Татарча котлаулар

Поздравления с 1 сентября днем знаний на татарском языке

1 сентябрь белем көне белән котлаулар

Чәчләреңә кунган ак күбәләк,

Шатлык очкыннары йөзеңдә.

Ак алъяпкыч, ак чәчәкләр белән

Күбәләккә охшаш үзең дә.

 

Ашкына да, талпына да бүген

Леп-леп типкән нәни йөрәгең.

Озатасың, изгеләрдән изге

Сабыйлыкның соңгы көннәрен.

 

Җуелмаслык хатирәләр калыр

Мәктәптәге тәүге көнеңнән.

Иң башыңа күрә йөгең дә бар –

Син җаваплы кеше бүгеннән.

***

Кайчан гына бу көн еракта

Килеп җитмәс кебек тоелды.

Күңелемә мәктәп балачактан

Китмәс өчен кереп уелды.

 

Бүгенгедәй күз алдымда тора

Очар коштай йөргән чакларым.

Сумка тотып сабак укырга дип

Борма сукмак буйлап атлавым.

 

Әй, мәктәбем, үстердең син безне

Бирдең белем.

Чәчәк атты синдә яшьлегем.

Әй, мәктәбем, җитте китәр көнем

Йөрәгемдә ярсу хис минем.

 

Үстерәсең балаларда канат

Очырасың, мәктәп, югары

Уй-хыяллар чәчәк атыр җирдә

Алып китәр тормыш аннары.

 

Таңнан килеп, көн дә булып,

Ун ел үткән синдә, мәктәп,

Нинди сүзләр әйтергә соң,

Хезмәтеңне, эшне мактап?

 

Алып китәм сине йөрәктә,

Йөрәгемә ялкын кирәккә;

Юлларымда син көч бирерсең

Ирешергә изге теләккә.

***

Бүген йөзләр көләч безнең

Күңел сөенә,

Атлыйбыз тәүге адымнар

Белем иленә.

 

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.