Татарча котлаулар

Поздравления с днем победы на татарском языке

Җиңү көне белән котлаулар

Ул елларны ничек онытасың, —

Ил язмышы кылыч йөзендә.

Ир-егетләр китте яу кырына,

Алып көче тоеп үзендә.

 

 

Ирләр китте, кызлар елап калды,

Шаулап калды иген, өлгереп.

Басу капкасына чаклы озата барды

Яше, карты, барысы өзелеп.

 

 

Ирләр китте, кызлар елап калды,

Елап калды күпме хатыннар.

Туйда кигән күлмәкләре калды,

Күпме бала калды, ятимнәр.

***

Җиңү көне —Халык тантанасы,

Яз төренгән янар комачка.

Җир чәчәкләр тезгән күкрәгенә,

Йөз балкытып карый кояшка.

***

Кырык бернең 22 июнь

Илебездә таң атты

Сызгырып төшкән бомбалар,

Халкыбызны уятты.

 

Фашист илбасарлары,

Басып керде илебезгә.

Туплар шартлап, самолетлар,

Очты тыныч күгебездә.

 

Күпме кайгы, күпме хәсрәт,

Безгә Гитлер китерде.

Туптан атып,бомба бәреп,

Шәһәрләрне җимерде.

 

Бөтен халык күтәрелде,

Сакларга, — дип илебезне.

Яше-карты, Һәммәсе дә,

Безнең туган җиребезне.

 

Фронтовикларыбыз көрәште,

Аямыйча үзләрен.

Ант иттеләр җиңелмәскә,

Үтәделәр сүзләрен.

 

Ә тылдагы хатын-кызлар,

Әби-бабай, балалар.

Үтәделәр өчәр норма,

Көне-төне дә алар.

 

Бергәләшеп көрәшүләр,

Безгә җиңү китерде.

Кырык бишнең 9 нчы май,

Илбасарлар җиңелде.

 

Тугызынчы май, бәйрәм көн.

Җиңү көне ул безнең.

Каршы алыйк, онытмыйча,

Һәрбер елын ул көннең.

 

***

Онытырга тиеш түгелбез!

Туган йорттан түбән очка таба,

Авыл буйлап төшеп киләбез.

Бу — ветеран йорты. Почмагында

Исем-такта, йолдыз күрәбез!

Без аларны танып беләбез!

 

Ветераннар! Газиз ветераннар!

Сугышлардан исән кайтканнар.

Рәхәт белән михнәт арасыннан,

Гүя урталыкны тапканнар —

Бакыйлыкка күчеп ятканнар.

 

Әткәй белән бер-бер артлы киткән,

Яугирләрне искә алабыз!

…Чардуганнар аша, хөрмәт итеп,

Чәчәк бәйләмнәре салабыз.

Башны иеп тып-тын калабыз.

 

Чит-ят җирдә курган-каберлекләр,

Исемсез дип, исем алганнар.

Азатлык дип, иле, җире өчен.

Азмы анда ятып калганнар!?

Мәңгелеккә башын салганнар.

 

Җиңү көне — олы бәйрәм бүген!

Җиңүчене данлый илебез!

Канын коеп, гомерен биргәннәрне,

Онытырга тиеш түгел без,

Онытырга тиеш түгелбез!

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.