Татарча котлаулар

Слова благодарности маме на татарском языке

Әнигә рәхмәт сүзе

 

Рәхмәт, әнкәй, тудырганың өчен,

Аяз көннәр булсын җаныңда.

«Бисмилләһ» дип син шатланып уян

Гомереңнең һәрбер таңында.

 

Ныклы иман һәрчак юлдаш булсын

Шатлык тоеп типсен йөрәгең.

Авырлыклар сине урап үтсен,

Кабул булсын һәрбер теләгең.

 

Җирдә кояш нуры балкыгандай,

Син балкыйсың безнең күңелдә.

Тормышыбыз синең белән матур,

Рәхмәтлебез сиңа гомергә…

 

Әнкәем!

Теләкләрнең телим изгеләрен,

Бәхетләрнең телим зурысын.

Шатлыкларның телим көтмәгәндә

Килә торган иң-иң нурлысын…

 

Маңгаеңа төшкән аксыл чәчләр,

Сөйкемлелек бирә йөзеңә.

Барысы өчен рәхмәт сиңа Әнкәй,

Исәнлегең белән йөз яшә!

 

Син булганда гына без бәхетле,

Син булганга, якты көнебез.

Кыш аенда ишелеп кар яугандай,

Ап-ак бәхет-шатлык телибез.

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.