Татарча котлаулар

Частушки на татарском языке

Бие, бие, биесәнә

Бие, бие, биесәнә

Шушы такмак көенә,

Тыпыр-тыпыр бер биесәң

Күңел генә сөенә.

 

Һап, һап, һапа-һап,

Биючегә рәхәт.

Биемәгән туташларның

Йөрәгенә җәрәхәт.

 

Аргы якта да арыш,

Бирге якта да арыш.

Бии белмәгән кызларның

Аягы-кулы чалыш.

 

Әкрен бие, ипләп бие,

Тәңкәләрең төшмәсен.

Тәңкәң төшеп, әнкәң сизеп

Әрләмәсен, сүкмәсен.

 

Бии белгән кешегә

Менә дигән бер бәрән,

Бии белмәгән кешегә

Кул чабуы да әрәм.

 

Әтәчтә дә кикерик,

Тавыкта да кикерик;

Биючегә сүз әйтмәгез,

Үзе төште сикереп.

 

Бию

Тыпырдатып бер басмагач,

Бию була мени ул?

Йөрәгемне яндырмагач,

Сөю була мени ул?

 

Һәтс — тердә — ритәем дә,

Һәтс — тердә — ритәем.

 

Басаемчы бер өздереп,

Ничек тораем түзеп.

Әчемдәге серләремне

Әйтеп бирәем өзеп.

 

Һәтс — тердә — ритәем дә,

Һәтс — тердә — ритәем.

 

Тыпырдатып бер басканда,

Шатлык чәчрәсә әгәр.

Йөрәгемне зымбырдатып

Җитсен зиһенгә кадәр.

 

Һәтс — тердә — ритәем дә,

Һәтс — тердә — ритәем.

 

Тыпырдатып бер басмагач,

Бию була мени ул?

Йөрәгемне яндырмагач,

Сөю буламы сөю?

 

Һәтс — тердә — ритәем дә,

Һәтс — тердә — ритәем.

 

***

 

Батинкасы, батинкасы,

Батинкасы ялт итә.

Әллә яшьлекләре белән,

Ташламам ди ант итә.

 

Аһ, юдерләр итә,

Ритә юдерләр итә.

 

Биек тауның башларыннан,

Очып килә олы лачын

Сагынганын шуннан беләм,

Җәеп килә колачын.

 

Аһ, юдерләр итә,

Ритә юдерләр итә.

 

Карале күлмәк карале,

Дисәм тагы бар әле.

Сагынганда карар өчен

Карточкасы бар әле.

 

Аһ, юдерләр итә,

Ритә юдерләр итә.

 

Батинкасы, батинкасы,

Батинкалары тая.

Миннән башка, шыпырт кына,

Кайда бардың син бая.

 

Аһ, юдерләр итә,

Ритә юдерләр итә.

 

Батинкасы, батинкасы,

Батинка да каптырма.

Бөтен җырларны җырладым

Башка җырларда тырна.

 

Аһ, юдерләр итә,

Ритә юдерләр итә.

 

***

 

Биек таудан миңа таба,

Очып килә бер лачын

Яратамын шуннан беләм,

Җәеп килә колачын.

 

Ай, юдерләр итә,

Ритә юдерләр итә.

 

Батинкасы, батинкасы,

Батинкасы ялт итә.

Әллә яшьлекләре белән,

Ташламам ди ант итә.

 

Ай, юдерләр итә,

Ритә юдерләр итә.

 

Биек тауга меңгән чакта,

Сандалиларың тая.

Аклы күлмәгемне киеп,

Кая бардың син бая.

 

Ай, юдерләр итә,

Ритә юдерләр итә.

***

Әпипә

Бас, кызым, Әпипә,

Син басмасаң, мин басам.

Синең баскан эзләреңә

Мин дә китереп басам.

 

Бас, кызым, Әпипә,

Син басмасаң, мин басам.

Әпипәнең! калачларын

Ашап калам ичмасам.

 

Бас, кызым, Әпипә,

Идәннәре селкенсен;

Идәннәре селкенсен дә,

Кияү күңеле җилкенсен.

 

Бас, кызым, Әпипә,

Сындыр идән тактасын;

Сындырсаң идән тактасын,

Кияү түләр акчасын.

***

Әнисә

Тыпыр-тыпыр биергә

Тимер идәннәр кирәк,

Тимер идәннәр өстенә

Хәтфә паласлар кирәк.

 

Хәтфә паласлар өстенә

Имән өстәлләр кирәк,

Имән өстәлләр өстенә

Көмеш табаклар кирәк.

 

Көмеш табаклар эченә

Хөрмә җимешләр кирәк,

Хөрмә җимешләр ашарга

Алтын кашыклар кирәк.

 

Алтын кашыклар тотарга

Кара кашлы кыз кирәк,

Кара кашлы кыз каршына

Батыр егетләр кирәк.

***

Биисе килә

Биючеләр, басыгыз,

Әйләнмәсә башыгыз.

Басыгыз, басыгыз,

Әйләнмәсә башыгыз.

 

Биючеләр, биегез,

Матур безнең көебез.

Биегез, биегез,

Матур безнең көебез.

 

Биючеләр биегәндә

Идәннәре бөгелә.

Ярышларда җиңеп чыктык,

Безнең биисе килә.

 

Тыпыр-тыпыр, тыпыр-тыпыр,

Тыпыр-тыпыр биергә,

Эшлибез дә, җырлыйбыз да.

Вакыт та бар биергә.

 

Тыпыр-тыпыр тыпырдашып.

Бергә басыек әле.

Уйнап-көлеп, җырлап-биеп,

Күңел ачыек әле.

 

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.