Татарча котлаулар

Апа, синең туган көнгә

Юллыйк әле шигъри бәйләм.

Сабый чакта туган көннәр

Була иде бит зур бәйрәм.

 

Заман авыр булса да

Яши идек, рәхәт итеп.

Елга бер килгән ул көнне

Түземсезлек белән көтеп.

 

Синең бүген туган көнең,

Бездән сиңа кайнар сәлам.

Апа, сине чын күңелдән,

Котлыйм туган көнең белән.

 

Киләчәк гомерләрдә дә

Һаман шулай бергә яшик.

Бер-беребезгә хөрмәт белән

«Туганым» диеп эндәшик.

***

Гомер юлың пар канатлв үтсен,

Өстәлеңдә сыйлар мулдан булсын.

Тормыштагы кылган игелегең

Үзеңә зур бәхет булып кайтсын.

Миннән теләк һәр чак якты сиңа,

Шатлык кына, Апа, гел изге.

Туганнарың белән гөр килешеп,

Сау — сәламәт яшә гомереңне.

***

Апа, синең туган көнгә

Җыелдык нәсел белән.

Йөрәккәең бу уңайдан

Дулкынланадыр, беләм.

 

Уйлыйсыңдыр кайчан гына

Өй тулып үскән чакны.

Сазга батып, ялан тәпи

Йөгергән туган якны.

 

Исеңдәме, кача-поса

Бер сәбәпсез көлүләр.

Кечкенәдән чалгы тотып,

Печән чабып йөрүләр.

 

Җир казулар, су ташулар,

Кайчакта керә төшкә.

Бер-беребезне без шулай

Өйрәткәнбездер эшкә.

 

Әткәй-әнкәй үрнәгендә

Инде кеше булганбыз.

Кай арада гомерләрнең

Күп өлешен узганбыз.

 

Гел рәхәт кенә булмаган,

Булган төрле чаклары.

Тик хәтердә истә калган,

Никтер рәхәт яклары.

 

Күмәк эшләр, җыйнаулашып,

Бергә бәйрәм итүләр.

Бала мәшәкате белән

Гомер юлын үтүләр…

***

Һай, диеп гомер үтүгә

Үкенеп утырмыйбыз.

Үтә диеп, китә диеп

Борчылып та тормыйҗыз.

 

Хак тагалә килер көнен

Тыныч, тыныч хәерле итсен.

Үзе биргән һәр сәгате

Шатлык бәхеттә үтсен.

 

Балаларның уңышлары

Сөендерсен күңелне.

Ана өчен шул сөенеч-

Иң зур бәхет түгелме?

 

Берүк Ходай аермасын

Гомер иткән иреңнән.

Дус-туганнар төшмәсеннәр

Табыныңнын түреннән.

 

Шулай яшәгәндә генә

Кызык ул яшәүләре.

Дөньясына чын күңелдән,

Сөям дип дәшүләре.

 

Юбиляр дус, бу шигырьнең

Килә сиңа һәр сүзе.

Күз алдыбызда һәрвакыт

Елмаеп тора йөзең.

 

… апа, син бит безнең

Бик кадерле апабыз.

Һич арттырмый әйтик әле,

Без сине яратабыз.

 

Синең туган көнгә бездән

Бәйләм-бәйләм теләкләр.

Җитмеш, сиксән, туксангача

Бергә типсен йөрәкләр.

 

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.