Татарча котлаулар

Якын дустым, синең туган көнгә.

Буләк итәм шигыръ юллары.

Гел шатлыкта гына узсаң иде

Сикәлтәле тормыш юлларың.

 

Бу тормышның дустым үз законы,

Таләпләре аның бик кырыс.

Табаласың икән бәхетеңне,

Югалтмаска аны син тырыш.

 

Тынычлыгың булсын күңелеңдә,

Эшләрең дә барсын, гөрләсен.

Гомер буе синең йөрәгеңдә

Яшәү дәрте сүнми дөрләсен.

 

Кояшлы көн телим сиңа ,дустым.

Болытларны куып таратып.

Яшик әле алда гомер барда,

Якын дуслар булып яратып.

***

 

Кайчан керсәң, өеңдә нур бөрки,

Каршылыйсың якты йөз белән.

Кайгы-хәсрәт җиңеләеп китә

Синең әйткән йомшак сүз белән.

***

 

Күңеле алтын кешенең

Бәйрәме дә күңелле.

Көн дә үткәрәсе килеп

Тора туган көнеңне.

Туган көндә үзеңне дә

Мактыйсы килеп тора.

Мактап тормыйм,

Шәплегеңне

Барсы да белеп тора.

Бәхет кенә алып килсен,

Туасы иртәләрең.

Татып яшә дуслар иңен,

Гүзәлләр иркәләвен.

Кайгылары урап үтсен,

Авырлыклар җиңелсен.

Юкка-барга баш иярлек

Егет түгел инде син.

Шатлыкларың артып торсын,

Калкып торсын кесәң дә.

Бу заманда ул да кирәк,

Нәрсә генә дисәң дә.

Шул теләкләрне Ходайга

Житкереп куйыйк инде.

Бокалларга салынганын

Киптереп куйыйк инде

***

Гомерне бит еллар билгеләми,

Яшәү дәрте булсын күңелдә.

Сәламәтлек, бәхет, куанычлар

Юлдаш булсын сиңа гомергә.

***

Бәйрәм белән сезне, якын дустым!

Балкып тор син гел иртә-кич.

Яхшылыкны җирдә ятмый, диләр.

Гел яхшылык кына эшлә син.

***

Чын йөрәктән котлавыбыз

Җыр булып сезгә барсын.

Бүгенге бәйрәм гомергә

Истәлек булып калсын.

***

Бергәләшеп әле бик күп тапкыр

Үткәреребез туган көннәрне.

Илле генә түгел, алтмыш, житмешне дә,

Сиксән, туксан, хәтта йөзләрне.

***

Котлы булсын туган көннәрең,

Юлларыңа гөлләр сибелсен,

… аеның саф җилләре сиңа.

Бәхет-шатлык кына китерсен.

***

Бәхеткәең охшаш булсын иде

Яңа яуган ап-ак карларга.

Фәрештәләр кунсын иңнәреңә

Туган көнең белән котларга.

***

Дуслар кирәк ерак юлга чыксаң,

Якын гына юлга чыксаң да.

Унсигездә, утызда да кирәк,

Кирәк җиткәндә дә туксанга.

Дуслар белән юллар кыска була,

Дуслар белән гомер озыная.

Юл кыскартыр, гомер озынайтыр,

Җан теләгән дуслар сез миңа.

***

 

Кояшың көлгәндә,

Шатлыклар килгәндә,

Дусларың яныңа килсеннәр.

Бергәләп көлешеп,

Шатлыкны бүлешеп,

Яшәүгә ни җитә дисеннәр.

Гомерләр тормый ул,

Гел тоташ шатлыктан,

Борчулар, кайгылар да килә.

Борчуың бүлешер,

Кайгыңны таратыр

Дусларың булсыннар гел бергә.

Иң садә  йөорәктә

Мин сезгә эндәшәм,

Килегез сез миңа дусларым.

Табыным түрендә

Мәңгегә, гомергә

Тойыйм мин, белим мин сез барын.

***

Туган көнең бүген дустым!

Син дөньяга килгән көн

Әти-әни, туганнарны,

Шатлыкларга күмгән көн.

 

Хисапсыз күп дуслар белән

Яшисең син бүген җирдә.

Эшлисең син бик тырышып,

Армыенча көндә, бер дә.

 

Телим сиңа сәламәтлек.

Җәлләмичә бирсен ходай.

Каршылыклар очрамасын

Ә җилләр дә иссен уңай.

 

Иҗатыңда зур уңышлар.

Һәрвакытта илһам килсен.

Дус-ишләрең яннарыңда

­___, — диеп йөгреп йөрсен

 

***

Дусларыма

Ходай безгә биргән гомернең

Кадерләрен белеп яшәгез,

Яратып-сөеп-сөелеп кенә

Мәхәббәт утында яшьнәгез.

 

Бер-берегезгә кирәк-терәк булып

Тормышта гел янәшә булыгыз,

Үткән көннәр кире кайтмыйлар бит

Бер-берегезнең кадерен белегез.

 

Дошманнар көнләшерлек итеп

Яшәгез, шатланып көлегез,

Дөньяга якты караш белән

Үтсен сезнең алгы көнегез.

 

Олыгайгач та безгә кирәк ул

Ихтирам, бер-береңне ярату

Булмасын, һичкайчан кирәкми

Чит-ят ярларга җан ату….

***

Дуслыкны бит сатып алып булмый,

Бурычка да аны бирмиләр,

Яшәү рәхәт, минем дусларым бар,

Дус булмаган аны белмидер.

 

Сезгә карыйм да мин,тик шатланам.

Күрәм, сез бит шундый бәхетле!

Киләчәк зур шатлыкларда үтсен,

Уңыш булсын тауларга хатле!

 

Ак көнләшу белән көнләшәм мин сезгә,

Сезнең бәхет булсын ак кына!

Мин бәхетле, сез бәхетле булгач,

Минем сүзләр һәрчак хак кына.

 

Минем теләк, тыныч булсын гомер,

Мәхәббәттә үтсен һарбер көн!

Һәр туасы көнне шатлык белән,

Көтеп торсын айлы тыныч төн!

 

Безнен шатлыгыбыз — балаларда,

Бәхетләрен берүк тапсыннар!

Изге юлдашлары ихлас булсын!

Гел елмаеп таңнар атсыннар!

 

Сәламәтлек ташламасын бер дә,

Ансыз яшәү, яшәү түгел ул.

Дусларым, сез якын кешеләрем!

Сезнең белән яшәү-күңел ул.

***

Гөмерләр бик кыска уйласаң

Төрлечә сузылган юллары

Юлларда адашмый, рәхәттә

Бәхеттә яшәгез дусларым.

 

Караңгы төннәрне яктырта

Дусларның кадерле киңәше,

Күзегез яшьләргә күмелсә

Шатлыктан булсын ул күз яше.

 

Авырлык килгәндә кул сузган,

Йөрәкне җылыткан дусларым

Рәхмәтле теләкләр йөретеп

Тик сезгә төбәлгән уйларым.

 

Ирешсен чын ихлас теләгем

Үз иткән иң якын дусларга,

Тормышның салкыны кагылмый

Өшетми, сезнең күк дус барда.

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.