Татарча котлаулар

Поздравление со свадьбой на татарском языке

Туй көне белән котлау

Ай! Кояштай елмая

Бүген сезнең йөзегез

Аерым идегез сез кичә

Буген инде икегез.

Ике йөрәк, бер үк җырны

Җырлый башлый бүгеннән

Кайгы-хәсрәт дигәннәре

Ерак йөрсеннәр сездән.

Дуслык, туганлык хисләре

Алар сездә сүнмәсен.

Үстерегез уллар-кызлар

Гомер әрәм утмәсен.

Тормыш булгач – барда була.

Булыр авыр минутлар

Бергә-бергә киңәш итсәң,

Алар сездән тиз узар.

***

Яшәгез Сез бугенгедәй матур итеп,

Сөенерлек итеп туганнар,

Сагынырлык итеп якын дуслар,

Көнләшерлек итеп дошманнар!!!!

Сез икегез матур бер җыр төсле.

Син сүзләре булсаң,ул — көе.

Балкытыгыз якты кояш итеп

язмыш бүләк иткән сөюне!!!

***

Очраштырган сезне язмыш,

Гашыйк парлар булгансыз.

Чәчне чәчкә бәйләшергә

Вәгъдәләр коргансыз.

Тормышка аяк басасыз,

Пар килгәнсез икегез.

Сөешеп кенә яшәгез,

Тигез гомер итегез!

Бездән сезгә изге теләк:

Бергә типсен сезнең йөрәк.

Турә булсын түрегездә —

Мәхәббәт бер-берегезгә.

***

Бал-май кебек татлы, затлы сүзләр,

Кызганмасын тәмле телегез!

Ике булып сез үскәнсез инде,

Икегез бер була белегез!

Уйнап-көлеп, яңа юлга сезне,

Озатабыз туйда бугенгә!

Авыр чакта таянычың булса,

Яшәү ямьле, тормыш куңелле!

Хыялларыгызга нигез булсын,

Минем теләкләр дә бер өлеш!

Мин татулык телим Сезгә бүген!

Бәхет йорты төзу Сезнең эш!

***

Тәбрик итәм кавышу көне белән,

Котлы булсын туегыз.

Озын гөмер, сүнмәс бәхет белән,

Яңа матур тормыш корыгыз.

Матур булсын алгы көнегез,

Ак чәчәктәй бер дә шиңмәсен.

Һәркем тормыш юлыгызны

Аяз күккә карап тиңләсен.

Теләгем шул: тормыш юлыгызда

Бер-берегезгә терәк булыгыз.

Матур кызлар, батыр уллар үссен,

Гөрләп торсын тормыш юлыгыз.

***

Кәләшкә:

Ак бөркәнчек, ап-ак ефәк күлмәк

Ак чәчкәгә сине тиң иткән,

Алтын балдак гомер юлдашыңның

Олы мәхәббәтен беркеткән.

Ак күлмәген ап-ак намусыңдай,

Күзләреңдә куңел чаткысы,

Янәшәндә олы мәхәббәтең,

Таянычың синең, өмет-шатлыгың.

***

Кияү белән кәләшкә:

Юлларыгыз һәрчак бергә булсын,

Уйларыгыз булсын гел бергә,

Ак бөркәнчек япкан бәхетегез

Шау чәчәктә булсын гомергә.

 

Никах

Абау дустым!

Бигрәк матур киенгәнсең!

Тьфу! Кузем тимәсен.

Күлмәкнең дә килешкәнен,

Сайлап кия белгәнсең.

Үзгәрде йөрүләрең,

Үзгәрде көлүләрең.

Әллә кайлардан күренә,

Бик бәхетле көннәрең.

Алдагы бәхет көннәрең,

Бәхетле үтсен шулай.

Кияугә гел карап торасың,

Бигерәк яратасын бугай.

Ә син кияу?

Хәзер безнең зур нәселдә,

Кияу булдың түгелме?

Кадерен бел, ким-хур итмә,

Саклый бел безнең кызны.

***

Уйларыгыз һәрчак бергә булсын

Юлларыгыз булсын гел бергә

Ак бөркәнчек япкан бәхетегез

Тау чәчәктә булсын гомергә.

Шатлык белән тулып торсын

Сезнен тормыш кәсәгез.

Бер тамырдан ускән гөлдәй,

Гел янәшә яшәгез.

Сезнен тормыш юлыгызда

Булмасыннар киртәләр,

Гел бәхетләр, гел шатлыклар

Алып килсен иртәләр.

***

Гаилә кору – зур юлларның башы

Юлларыгыз һәрчак ак булсын

Тормышыгыз гөрләп чәчәк атсын

Чәчәкләре мәңге саф булсын.

Васыять шул сезгә миннән:

Киләчәктә кайгыларны уртак бүлегез.

Шатлыкларны матур бала белән

Бишекләрдә алып килегез.

Тормыш бик катлаулы, шуңа күрә

Гадел юлны сайлый белегез

Миннән сезгә шундый теләк –

Бер-берегезне аңлый белегез.

ЗАГС биргән язу – кәгазь бит ул

Ул саргая еллар үтүгә

Саргаймасын сезнең саф мәхәббәт

Балкып торсын гомер-гомергә.

Бер-берегезне табып кавышкансыз,

Икегез дэ нинди сойкемле!

Кузгэ-куз карашып елмаясыз,

Бер гол чэчэклэре шикелле!

Бер-берегезгэ ныклы терэк,

Иптэш, сердэш булыгыз,

Давыл-янгырга бирешми

Гел янэшэ торыгыз!

Котлы булсын туегыз!

***

Ни сөйләргә дип тордым да

Шуны алдым исәпкә,

Башлагыз яңа тормышны

Бу хәерле сәгатькә

Хәзер инде гомергә

Сез икегез гел бергә,

Шулай булу теләкләре

Ничек тели белергә.

Чын куңелдән телим сезгә,

Мәңге бергә булыгыз,

Тормышыгызда чәчәк атсын,

Улыгыз һәм кызыгыз!

Ак фатанны салып иңнэренә

Утырасың табын турендэ,

Бар доньянын шул гузәллеге,

Чагыладыр синең йөзеңдә.

Зарыгып көткән туй көнегез килде,

Бар дөньяны гөлгә, нурга күмде.

Пар балдаклар балкый бәхет юрап,

Барыбыз да сокланабыз сезгә карап!

Пар килгәнсез, сезгә карап сокланабыз,

Һәммәбез дә сезнең өчен шатланабыз.

Яшәгез сез бер-берегезне яратып,

Бу җиһанга сөю нуры таратып!

***

Сул ягыңда кияу

Тормыш гөлең,

Кадерлә син аны гомергә.

Моңа хэдэр булган мөхәбәтең,

Калсын синен шулай мәңгегә.

Йөзегездә нурлар янсын,

Табынга жыр куй әйдә,

Бөтен яктан теләк яусын

Килен белән кияугә.

Борын бабалардан калган

Бергәләп гаилә кору,

Гаилә корып тигез тыныч,

Матур тормышта тору.

***

Исеңдә тот дустым,

Һәрвакытта бул сабыр

Эштә оста һәм батыр,

Сузгә кыска һәм тапкыр.

Син дә тыңла килен,

Сина да бар ике суз,

Ойнең яме, ашның тәме,

Ирең сөйгән хатын кыз.

Гаилә җаваплылыгы

Икегезгә тошә,

Нык саклагыз мөхәббәтне,

Эш шунда гына пешә.

Сезне ихлас тәбриклимен,

Бәхетле тормыш телим.

Олыларга ихтирамлы,

Балаларга игтибарлы булыгыз,

Ныклы гаилә корыгыз

Тигез тату торыгыз,

Устерегез батыр уллар

Уңган һәм матур кызлар.

Менэ шушы инде дуслар,

Әйтәсе килгән сүзләр.

***

Йөзләрегез буген көләч сезнең,

Алдыгызда тормыш диңгезе.

Чын кунелдән котлыйм сезне,

Бер-берегезне ныклы яратагыз

Кабул булсын изге теләкләр.

Тормыш сукмасында юлдаш булсын

Типсен бергә сезнең йөрәкләр.

***

Алып килдек сезгә теләкләрне,

Теләгебез безнең кечкенә.

Бер -берегез өчен тормышта да,

Булыгыз сез таяныч кына.

Пар кугәрченнәрдәй гөрләшеп,

Яшәгез бергә — бергә.

Тату гаилә, тыныч тормыш,

Бездән теләк шул сезгә.

***

Хәрвакытта шат яшәгез,

Көнегез матур булсын.

Килләчәктә сезнең өчен,

Һәрвакыт шатлык тусын.

Шатлык белән балкып торсын

Һәрвакыт йөзләрегез,

Муллык белән тулып торсын,

Сезнең тормыш кичегез.

***

Бәхет таң булып яктыра,

Бәхет көне кош булып сайра,

Бәхет ул дулкын өстендә

Аккош калдырган каурый.

Бәхет кочактагы чәчәк,

Утның, ул ялкынлысы,

Маңгай тиреннән бушаган

Бәхетнең иң олысы.

Онытмагыз, сагать санап тора

Минутларың узып барганнын,

Югалтмагыз мәңге саклагыз сез,

Мөхәббәтнең алтын балдагын.

Айкалмасын, чайкалмасын

Тулып торсын кәсәгез,

Ике тармак роза кебек,

Гел янәшә яшәгез.

Каршылыйбыз бүген синең,

Көтеп алган гомер бәйрәмең.

Якыннарың жыела буген яннарыңа,

Өзеп сиңа чәчәк бәйләмен.

Матур таңда тугангадыр,

Җырлы-моңлы синең куңелең.

Шатлык-куанычлар белән үтсен ул,

Ходай язган барлык гомерең.

***

Кияү һәм кәләш!

Юллар кебек озын гомер сезгә,

Кайгы җиле бердә тимәсен.

Заман кораллары читләп үтсен,

Яшәү дәрте һич тә сүнмәсен

Йөзләрдә елмаю янсын,

Табынга җыр куй, әйдә.

Бөтен яктан теләк яусын,

Килен белән кияүгә.

Бик тә җиңел йөрешегез,

Бик пар килгән буегыз.

Гөрләп үтсен тормышыгыз,

Гөрләгәндәй туегыз.

Сезнең өстәлдә һәрвакыт

Сый-хөрмәт тулып торсын.

Сыйлагыз дусны яратып,

Дуслар гел килеп торсын.

Тасма телләр белән сезгә,

Дошманнар сыенмасын.

Якты нур сүнмәсен йөздә,

Мәхәббәт суынмасын.

***

Изге теләк, назлы сүздән башка,

Табып булмый затлы бүләкне.

Безнең өчен бик тә кадерле сез,

Бик тә якын, бик тә кирәкле.

Тигез гомер насыйп булсын,

Гел атлагыз янәшә.

Сау-сәламәт булып кына

Яшәгез сез йөзгәчә.

***

Пар балдаклар балкышыннан,

Күзләребез чагыла,

Сез бүген – иң гүзәл пар

Чәчәкләр кочагында!

Еллар узсын бәхеттә,

Тазалыкта-саулыкта,

Шатлыкта, мәхәббәттә,

Иминлектә, муллыкта!

 

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.