Татарча котлаулар

Поздравления с 23 февраля на татарском языке

23 февраль Ватанны саклаучылар көненә котлаулар

Ватанны саклаучылар көне – кыюлык, намус hәм батырлык көне белән котлыйбыз сезне.

Бу көчле рухлылык, чын ир-егетлəрнең батырлык, намус һəм абруй кебек сыйфатларга ия булуларын раслый торган бəйрəм. Ватанга һəм халыкка хезмəт итү – үз илен ихлас сөюче гражданнарның һəрвакыт төп максаты булды һəм шулай булып калачак та.

Хəрби хезмəткəрлəрнең бүгенге буыны һəм армия сафларын тулыландырырга əзерлəнүчелəр, илебезнең куркынычсызлыгы, туганнары һəм якыннарының тормышы өчен җаваплылык хисен югалтмасыннар иде.

Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар телибез.

***

Ватанны саклаучылар көне

Чын ирләрнең бүген бәйрәме

Туар таңнарыбыз тыныч булсын

Артсын бәхет-шатлык күләме

 

Тыныч булсын сезнең күңелегез,

Эшләрегез барсын, гөрләсен.

Гомер буе сезнең йөрәкләрдә

Яшәү дәрте сүнми дөрләсен.

 

Һәр яңа көн бәхет алып килсен,

Алсу таңнар күмсен шатлыкка.

Сәламәтлек көч-дәрт ташып торсын.

Ашыкмагыз әле картлыкка

 

Байлык – муллык телик тагын сезгә

Барча теләк ихлас күңелдән

Телик әйдә тагын саф мәххәбәт

Тормыш яме артсын бүгеннән.

***

Кешелекнең көчле, егәрле

Кавеменең бер вәкиле бит син.

Беләгеңнән көч, йөрәгеңнән

Куәт, егәр китмәсен.

 

Сезнең янда гына без акыллы,

Сезнең янда гына чибәрләр.

Солдат булган өчен генә түгел

Көн дә кирәк илгә егетләр.

***

Бүгенге бәхет мәңгегә

Кояштай балкып торсын

Ил тынычлыгын саклаучы

Солдатлар исән булсын!

* * *

Һәр солдатның гадел вөҗданында

Ватанына биргән анты бар.

Һәр солдатның күкрәк кесәсендә

Туганнардан килгән хаты бар.

* * *

Сез булганга имин булып ата таңнар.

Тыныч-матур тормыш белән үтә айлар.

Бәйрәмегез котлы булсын ир-егетләр.

Мәңге тыныч, имин торсын җирләр-күкләр.

***

Туган җирдән аерылып, еракларда –

Көнне төнгә, төнне көнгә ялгап,

Туган илнең иминлеген саклап,

Изге эштә – хезмәттә син, Солдат!

 

Ата-баба заманыннан шулай килгән:

Хезмәт сорый – олы рухи Биеклекне,

Куәт эстәп, армый-талмый Күнегүне,

Түземлекне, Батырлыкны, Егетлекне!

 

Бәйрәм белән сине, батыр солдатыбыз!

Сине һәркөн искә алып үтәбез!

Изге бурычыңны яхшы тәмам итеп

Исән-имин кайтуыңны көтәбез.

 

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.