Татарча котлаулар

Поздравления с днем пожилых людей на татарском языке

Өлкән яшьтәгеләр көне белән

Өлкәннәр көне белән!

Сәламәтлек ташламасын сезне,

Һәр көнегез үтсен шатлыкта.

Яшәү яме, дөнья иминлеге

Юлдаш булсын сезгә картлыкта.

***

Картаям дип һич тә кайгырмагыз,

Өлкәннәрдә – акыл-сабырлык.

Киңәш, ярдәм кирәк чаклар була,

Әле дә сез бар үрнәк алырлык.

***

Йөрәкләрдән чыккан назлы сүзләр,

Күңелләрдә булган саф хисләр,

Озын гомер якты тыныч тормыш –

Безнең сезгә әйтер теләкләр.

***

Сезнең тормыш юлы матур тарих,

Күпләр өчен үрнәк булырлык.

Рәхмәт, дибез, сезгә чын йөрәктән,

Сезнең гомер — безнең горурлык.

***

Иртәнгесен сызылып аткан таңнар

Олы шатлык алып килсеннәр.

Картлык көнннәрегез тигезлектә

Бәхет белән имин үтсеннәр.

 

Әниләр көненә котлаулар

Син безне сөеп үстердең,

Йөрәк җылыңны бирдең.

Хәтта Үзең турында да

Кайчак оныта идең.

 

Барсы өчен рәхмәт Сиңа,

Син — кадерле кешебез.

Аз булыр күк нишләсәк тә

Бүген Синең өчен без.

 

Әле тагын бик күп еллар

Нык типсен Синең йөрәк.

Син — безнең бердәнберебез,

Син әле безгә кирәк.

 

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.