Татарча котлаулар

Современные частушки на татарском языке

Замана такмаклары

Ага сулар, ага сулар,

Ага сулар арыктан.

Кызын озатырга баргач,

Куркып качкан сарыктан.

 

Синең иркәң армиядә

Танктан атам, дигән.

Алучы булса—бара тор,

Өйләнеп кайтам, дигән.

 

Безнең авыл егетләре

Аклы күлмәк кимиләр.

Кино билетыннан куркып

Кызлар белән йөрмиләр.

 

Хәзер егетләр кызыга

Байга да, матурга да.

Ахыр чиктә риза була

Балалы хатынга да.

 

Әнә килә автомобиль

Син генә утыр инде.

Сөйгән ярың кырык тугыз

Иллегә тутыр инде.

 

Егетләрнең кайберләре

Чәчләрен тарый майлап.

Чәче агара, егет үзе

Картая, кызлар сайлап.

***

Әнә килә автомобиль,

Төягәннәр пыяла.

Үзе кызлар белән йөри,

Сөйләшергә ояла.

 

Егетләр чибәр булалар,

Эчмәгән чакларында.

Мәхәббәтсез күренәләр,

Магазин чатларында.

 

Бездә хәзер шундый мода:

Кызлар кия фуражка.

Иреннәренә сылыйлар,

Кило ярым краска.

 

Агыйделдә, Агыйделдә,

Агыйделдә боз биек.

Эчкәч, барып кочаклаган,

Багананы, кыз, диеп.

 

Исемнәре Габдулла,

Исемнәре Габдулла.

Ярны сөйсән, икене сөй,

Берсе кандидат була.

 

Безнең авыл егетләре

Җидешәр кат өйләнә.

Теше коелып бетсә дә,

«Мин егет», — дип сөйләнә.

***

Минем иркәм армиядә,

Атлар эчерәм, дигән.

Төпсез чиләк, сапсыз көрәк

Минем кулымда, дигән.

 

Биек тауның башларында

«ДТ» буксовать итә.

Безнең авыл егетләре

Кызлар сортировать итә.

 

Әнә кило автомобиль,

Төягәннәр семечка.

Яр өстенә яр сөясез

Бу нинди привычка.

 

Татарча «кая барасың»,

Русча «куда пойдешь».

Ярыңны кеше алса

Пожалуй, с ума сойдешь.

 

***

Караиделгә барам әле

Азык-төлек алырга.

Бизнесмен миңа калдырган

Сәндер белән кабырга.

 

Универмаг шыр ялангач,

Тик тора сатучылар.

Урам тулы алыпсатар,

Бездәйне “атучылар”.

 

Караидел урамы киңме?

Киң түгел ул, тар әле.

Кирәк-яракны алырга

Ярый чегән бар әле.

 

Ельцин абзый чит илләрдә

Иң почетлы урында.

Инде ул күптән онытты

Иле, халкы турынада.

 

Берчә язып, берчә сызып,

Указларын укытты.

Горбачевның әшнәләре

Төп башына утыртты.

 

Гади халыкларга акча

Тамчылап кына тама.

Бизнесменнар һәр ел саен

Җидешәр миллион ала.

 

Бәяләрне күтәрмим, дип,

Ельцин бирде бит антлар.

Илне упкынга этәрде

Булдыксыз демократлар.

 

Хәзер бит демократия,

Елцинны тетәмәле.

Якты киләчәк килер дип,

Мин өмет итәм әле.

 

***

Заман авыр димә әле,

Башыңны имә әле.

Авыр булсада матур ул,

Бу дөнъя дигәннәре.

 

Авырлыкка баш иярлек,

Егет түгел әле без.

Авырлыкның матурлыгын,

Таба торган мәле без.

 

Уйна әле, җырлыйк әле,

Матур кызлар моңлансын.

Моңсызлар бер моңлансын да,

Күңелләре сызлансын.

 

Җырлыйк әле бабайлардан,

Дәртләнеп торсын әле.

Әбиләре, яшь кызлардан,

Көнләрлек булсын әле.

 

Яртышып көнләшүләр,

Зур гонаһ түгел бит ул.

Кызларга да кызыгадыр,

Картаймый күңел бит ул.

 

Заман авыр димик әле,

Уйныйк та, көлик әле.

Ике тапкыр яшәмибез,

Кадерен белик әле.

 

***

Заман авыр димә әле,

Башыңны имә әле.

Авыр булсада матур ул,

Бу дөнъя дигәннәре.

 

Җырлыйк әле, җырлыйк әле,

Җыр күңелне ача ул.

Җырлау күңелне ача ул,

Кайгыларны баса ул.

 

Уйна әле, җырлыйк әле,

Матур кызлар моңлансын.

Моңсызлар да бер моңлансын,

Күңелләре сызлансын.

 

Уйна дустым гармуныңны,

Без җырлаган көйләргә.

Син уйнаган, без җырлаган,

Калсын сагынып сөйләргә.

Без җырлаган, сез тыңлаган,

Калсын сагынып сөйләргә.

 

Заман авыр димик әле,

Уйныйк та, көлик әле.

Ике тапкыр яшәмибез,

Кадерен белик әле.

 

***

Иртән торып эшкә барам

Иртән торып эшкә барам,

Ачып керәм йозакны.

Ачып булмый кешеләрнең

Җанындагы тозакны.

 

Берсен-берсе талый-талый

Ерткыч була кешеләр.

Их кешеләр, их кешеләр…

Без дә сезнең ишеләр.

 

Иртән торып эшкә барам,

Җырлап «Сарман» көенә.

Минем сөенгәнне күреп,

Ярты Казан көенә.

 

Берсен-берсе талый-талый

Ерткыч була кешеләр.

Их кешеләр, кешеләр…

Без дә сезнең ишеләр.

 

Иртән торып эшкә барам…

Әллә инде бармыйсы?

Эшләми дә гомер буе

Яшәдек бит ярыйсы.

 

Берсен-берсе талый-талый

Ерткыч була кешеләр.

Их кешеләр, кешеләр…

Без дә сезнең ишеләр.

Безнең төймәләр

Мастер фото | .

© 2018-2018.Барлык хокуклар якланган. Материалларны кулланганда сайтка сылтану мәҗбүри.